ஆட்டுக்குடல் குழம்பு

தேவையான பொருட்கள்:

• சுத்தம் செய்த குடல் - 1

• இஞ்சி - சிறு துண்டு

• பூண்டு- 4 பல்

• சின்ன வெங்காயம் - 4

• தேங்காய்துருவல் - 1/2 கப்

• மிளகாய் தூள் - 3/4 தேக்கரண்டி

• மல்லி தூள் - 1/2 தேக்கரண்டி

• சோம்பு,சீரக தூள் - 1 தேக்கரண்டி

• பட்டை - 2 துண்டு

• லவங்கம் - 2

• ஏலம் - 1

• சோம்பு - சிறிதளவு

• நல்லஎண்ணெய் - 50 மி .லி

• புளி - ஒரு பெரிய எலுமிச்சை அளவு

• உப்பு - தேவையான அளவு

• பெரிய வெங்காயம்(அரிந்தது) - 1/2 கப்

• தக்காளி(அரிந்தது) - 3

செய்முறை:

* முதலில் இஞ்சி,பூண்டு,சின்ன வெங்காயம்,தேங்காய் இவற்றை அரைத்து வைத்துக்கொள்ளவும்.

* பின்னர் அடுப்பில் குக்கரை வைத்து எண்ணெய் ஊற்றி பட்டை,சோம்பு,லவங்கம்,ஏலம் போட்டு தாளித்து அரிந்த பெரிய வெங்காயம்,தக்காளி,கருவேப்பிலை சேர்த்து வதக்கவும்.

* தக்காளி நன்கு வதங்கியவுடன் அரைத்த இஞ்சி,பூண்டு விழுது ,மிளகாய், மல்லி, சோம்பு, சீரக பொடிகளை சேர்த்து வதக்கவும்.

* புளியை கெட்டியாக கரைத்து ஊற்றி தேவையான அளவு உப்பு சேர்த்து சுத்தம் செய்த குடலையும் அதனுடன் சேர்க்கவும்.

* தண்ணீர் அதிகமாக சேர்க்க கூடாது,ஏனெனில் குடல் தண்ணீர் விட்டு வேகும்.

* குக்கரில் 11 விசில் அடித்தவுடன் இறக்கவும்.

வயிற்று புண் தீர்க்கும் குடல் குழம்பு ரெடி!